{"id":3909,"date":"2025-12-08T11:00:45","date_gmt":"2025-12-08T11:00:45","guid":{"rendered":"https:\/\/tfc.cymru\/?p=3909"},"modified":"2025-12-08T11:02:39","modified_gmt":"2025-12-08T11:02:39","slug":"together-for-change-launches-the-cymru-wledig-lpip-rural-community-led-research-programme-workshop-and-seminar-series","status":"publish","type":"post","link":"https:\/\/tfc.cymru\/cy\/together-for-change-launches-the-cymru-wledig-lpip-rural-community-led-research-programme-workshop-and-seminar-series\/","title":{"rendered":"Gyda\u2019n Gilydd dros Newid yn lansio Cyfres Gweithdai a Seminarau Rhaglen Ymchwil a Arweinir gan y Gymuned Cymru Wledig LPIP."},"content":{"rendered":"

Mae Cymru Wledig LPIP Rural Wales, mewn cydweithrediad \u00e2 Gyda\u2019n Gilydd dros Newid, yn cyflwyno Cyfres o Weithdai a Seminarau<\/a> sydd wedi\u2019u cynllunio ar gyfer unrhyw un sydd mewn cymuned neu sy'n gweithio gyda chymunedau a hoffai ddefnyddio gwaith ymchwil fel cyfrwng ar gyfer gweithredu. Does dim angen unrhyw gymhwyster addysg neu sgiliau penodol i gymryd rhan.<\/p>\n\n\n\n

\u201cMae cymunedau ar draws Cymru wledig eisoes \u00e2 llawer iawn o wybodaeth a sgiliau, ac mae\u2019r rhaglen hon yn adeiladu ar y sylfaen honno \u2013 gan feithrin hyder, cynnig lle i ddysgu gan ein gilydd, ac i greu rhwydwaith o sefydliadau a all gefnogi ei gilydd trwy ddefnyddio gwaith ymchwil i sbarduno newid. Rydyn ni wedi dylunio'r gyfres i ganiat\u00e1u pobl i\u2019w chwblhau pryd bynnag sy\u2019n gyfleus iddyn nhw, mewn ffordd sy'n gweddu i\u2019w bywydau a\u2019u hamserlenni prysur\u201d Jessie Buchanan, Cyfarwyddwr, Gyda\u2019n Gilydd dros Newid.<\/p>\n\n\n\n

Nod Rhaglen Ymchwil a Arweinir gan y Gymuned, Cymru Wledig LPIP Rural Wales, yw galluogi cymunedau gwledig i gasglu ac i ddadansoddi tystiolaeth i fynd i'r afael \u00e2 heriau ac anghenion polisi sy\u2019n bwysig iddyn nhw yn lleol. Bydd cyfranogwyr cymunedol yn gweithio gyda mentor academaidd sydd wedi\u2019u penodi iddyn nhw ac yn dylunio ac yn cynnal prosiect ymchwil ar destun y maen nhw wedi\u2019i ddewis, gan gasglu a dadansoddi data a chytuno ar gamau dilynol. Gallai canlyniadau\u2019r gwaith ymchwil gael eu defnyddio i greu atebion i\u2019w defnyddio yn y gymuned, i gefnogi ceisiadau am gyllid allanol, i wneud achos dros fuddsoddi neu dros wneud newidiadau polisi i lywodraeth leol neu genedlaethol neu i asiantaethau cyhoeddus.<\/p>\n\n\n\n

Mae Gyda\u2019n Gilydd dros Newid wedi gweld bod cymunedau ledled Cymru Wledig yn awyddus i edrych ar y manteision posibl o ddefnyddio gwaith ymchwil. Mewn galwad cyllid ddiweddar, gwnaeth 47 o grwpiau cymunedol gais trwy\u2019r LPIP am grant i gynnal gwaith ymchwil wedi\u2019i arwain gan y gymuned, ond dim ond 6 allai gael eu hariannu. Ein gobaith yw y gall y gyfres addysg a hyfforddiant hon, ynghyd \u00e2 chyfleoedd i ddysgu gan gymunedau eraill, gefnogi cymunedau ledled Cymru i adeiladu ar eu sgiliau ymchwilio eu hunain.<\/p>\n\n\n\n

Mae'r sesiynau ar-lein a\u2019r sesiynau wyneb yn wyneb sydd wedi'u hariannu'n llawn yn gyfle i ddysgu am beth yw ymchwil gweithredol sydd wedi\u2019i arwain gan y gymuned, i feithrin sgiliau sylfaenol ar gyfer ymchwilio a rheoli prosiectau mewn lleoliad cymunedol, a\u2019r hyn y gall cydweithio gyda academyddion a llunwyr polisi ei olygu i'ch cymuned.<\/p>\n\n\n\n

Mae\u2019r seminarau amser cinio ar-lein yn cynnwys nifer o siaradwyr gwadd sydd yn arbenigo mewn gwahanol agweddau ar waith ymchwil wedi\u2019i arwain gan y gymuned. Mae'r sesiynau\u2019n rhad ac am ddim a gellir archebu lle<\/a> yn y sesiynau\u2019n unigol.<\/p>\n\n\n\n

Bydd rhai gweithdai wyneb-yn-wyneb diwrnod o hyd yn cael eu cynnal mewn gwahanol rannau o Gymru hefyd. Mae'r rhain yn gyfle i gamu allan o'r amgylchedd gwaith prysur ac i ganolbwyntio ar feithrin sgiliau ymchwilio, e.e. siliau cyfweld a Newid Mwyaf Arwyddocaol. Caiff y rhai sy\u2019n ymuno yn y sesiynau hyn eu hariannu'n llawn.<\/p>\n\n\n\n

I gael yr wybodaeth ddiweddaraf am ddyddiadau seminarau a gweithdai newydd, gallwch gofrestru ar-lein<\/a> i gael negeseuon am y gyfres seminarau.<\/p>\n\n\n\n

Bydd Gyda\u2019n Gilydd dros Newid yn recordio pob sesiwn sy'n addas i\u2019w chyhoeddi ar sianel Vimeo<\/a>.<\/p>\n\n\n\n

Os oes gennych unrhyw gwestiynau neu os hoffech awgrymu thema ar gyfer sesiwn, cysylltwch ag Amy Nicholass a Jessie Buchanan trwy anfon neges i post@tfc.cymru<\/a>.<\/p>\n\n\n\n


<\/p>\n\n\n